Алдарт жүжигчин Дастин Ли Хоффман өнөөдөр 88 нас хүрч байна. Тэрбээр 1937 оны энэ өдөр буюу наймдугаар сарын 8-нд АНУ-ын Лос-Анжелес хотод мэндэлжээ.
Тайз, дэлгэцийн жүжигчин, найруулагч, дуу оруулагч, продюсер Дастин Хоффман 1955 онд дунд сургуулиа амжилттай төгсөөд Санта-Моника хотын коллежид хөгжимчин болохоор элсэн оржээ. Дараа нь Хоффман сургуулиа орхиж Лос-Анджелес хотын консерваторид жазк хөгжмийн ангид орсон байна. Хоёр жилийн дараа залуу Хофман хөгжмөөс илүү жүжиглэх сонирхолтой гэдгээ ойлгож “Pasadena Playhouse” хэмээх театрын сургуульд орж, жүжиглэх урлагийн анхны мэдэгдэхүүнтэй болжээ.
Дэлгэцийн уран бүтээлийн гараагаа тэрбээр 1967 онд “The Graduate” киногоор эхэлж, түүнээс хойш өнөөдрийг хүртэл 100 орчим уран бүтээлийн гол болон туслах дүрд тоглож, мөн дуу оруулжээ.
Дастин Хоффман Хоффман Америкийн кино урлагийн Академийн шагналыг 1980, 1989 онд хоёр удаа хүртэж таван удаа нэр дэвшиж байсан бол “Алтан бөмбөрцөг”-ийг зургаан удаа хүртэж долоон удаа нэр дэвшиж байжээ.
