Өнөөдөр /2025.08.11/ “Blackpink” хамтлагийн гишүүн Лиза өөрийн албан ёсны сошиал хуудсаараа дамжуулан, сэтгэл хөдлөм “Dream” гэх дууныхаа богино хэмжээний киног тун удахгүй толилуулна гэдгээ зарлалаа.
Японы жүжигчин, модель Кентаро Сакагүчитэй хамт тоглосон энэхүү бүтээл нь наймдугаар сарын 13-ны 23:00 цагт буюу монголын цагаар наймдугаар сарын 14-ний 11:00 цагт нээлтээ хийхээр товлогджээ.
Тэрбээр уг богино хэмжээний киноны тухай сошиал хуудастаа нийтлэхдээ “Тун удахгүй та бүхнийх болох сэтгэл хөдөлгөм, үзэсгэлэнтэй түүх” гэж бичжээ.
View this post on Instagram
Одоогоор Лиза хамтлагийнхаа бусад гишүүдийн хамт “Deadline” дэлхийн аялан тоглолтоо хийж байгаа бөгөөд тэдний дараагийн тоглолт наймдугаар сарын 15, 16-нд Лондонгийн “Wembley” цэнгэлдэх хүрээлэнд үргэлжлэх юм. Мөн тус хамтлаг энэ оны арваннэгдүгээр сарын 22, 23-нд Филиппиний Аренад аялан тоглолтоо хийхээр төлөвлөжээ.
“Dream” нь Лизагийн анхны бие даасан цомог “Alter Ego”-ийн 13 дахь дуу болж, өнгөрсөн хоёрдугаар сарын 28-нд цацагдсан. “Billboard Philippines” уг дууг “Лиза сонсогчдод бидний удаан хугацаанд хүлээсэн хайрын дууг хүргэж байна. Түүний дуулах чадвар урьд өмнөхөөсөө илүү тод харагдаж байна” хэмээн тодорхойлж байсан юм.
Ташрамд, Лизагийн сүүлийн үеийн Instagram сторинууд сошиал сүлжээнд ихээхэн анхаарал татаж буй. Учир нь фенүүд нь түүнийг Японы жүжигчин Кентаро Сакагүчитэй үерхэж байж магадгүй гэсэн таамаг дэвшүүлээд байгаа юм. Тэд сториндоо ижил төстэй зураг нийтэлж байгааг интернэт хэрэглэгчид анзаарсан аж.
