“Нүүдэлчин” дэлхийн соёлын фестивалийн нэгдүгээр шатны шалгаруулалтыг нийслэлийн хэмжээнд энэ наймдугаар сарын 11-14-ний өдрүүдэд зохион байгуулж байна.
Монгол Улсын Засгийн газрын 2024 оны 41 дүгээр тогтоол, Соёлын тухай хуулийн хэрэгжилтийг хангах хүрээнд Соёл, спорт, аялал жуулчлал, залуучуудын яам, Нийслэлийн Засаг даргын тамгын газрын дэмжлэгтэйгээр дүүргүүдийн Засаг даргын тамгын газартай хамтран Нүүдэлчин дэлхийн соёлын фестивалийн биет бус өвийг өвлөн уламжлагчийн нэгдүгээр шатны сонгон шалгаруулалтыг 2025 оны наймдугаар сарын 11-ний өдөр Хан-Уул, Баянгол, Сонгинохайрхан дүүргүүдэд зохион байгуулагдаж 162 өвлөн уламжлагч соёлын долоон ай савын хүрээнд 70 гаруй өвөөр оролцлоо.
