Өмнөд Солонгосын Хөгжмийн зохиогчийн эрхийн холбоо (KOMCA)-ны төлөөлөгч G-Dragon, Ян Хён Сог болон хөгжмийн зохиолч “А”-гийн хооронд өрнөж буй зохиогчийн эрхийн маргаантай холбоотойгоор “хайлт, нэгжлэг” болсон гэх өмнөх мэдээлэл нь худал болохыг тайлбарлан мэдэгдлээ.
2025 оны наймдугаарсарын 14-нд Dispatch-ын мэдээлснээр, хөгжмийн зохиолч “А” нь G-Dragon, Ян Хён Сог, мөн YG Plus компанийн ерөнхийлөгчийг зохиогчийн эрх зөрчсөн гэх үндэслэлээр шүүхэд өгсөн байна. “А”-гийн мэдэгдсэнээр, тэд өөрийн анх зохиож, үглэсэн “G-Dragon (2001)” нэртэй дууг зөвшөөрөлгүй бичиж, түгээсэн аж.“G-Dragon (2001)” дуу нь анх 2001 онд хип-хоп цуглуулга цомогт багтан гарсан бөгөөд “А” нь уг бүтээлийн үг зохиогч, хөгжмийн зохиогчоор бүртгэгдсэн байв. Харин 2010 онд G-Dragon энэ дууны өөр хувилбарыг “I’m 13” нэртэйгээр амьд тоглолтын цомогт оруулан дахин гаргасан байна.
Дууны нэр өөрчлөгдөж, өөр хэлбэрээр дахин гарсан ч “А” нь уг бүтээлийн зохиогчоор бүртгэлтэй хэвээр байгаа. KOMCA-гийн мэдээлснээр, G-Dragon нь уг дууны үг зохиогч, хөгжмийн зохиогчоор бүртгэлгүй төдийгүй зохиогчийн эрхийн ямар ч төлбөр аваагүй аж. Тиймээс тус байгууллага энэ маргаан нь зохиогчийн эрх зөрчсөнд тооцогдох үндэслэлгүй гэж үзэж байна. Мөн төлөөлөгч “зарим хэвлэлүүд хайлт, нэгжлэг болсон гэж мэдээлсэн ч энэ нь худал” хэмээн нэмж хэлжээ. Дууны нэрийг “G-Dragon (2021)” болгон өөрчилсөн талаар YG Entertainment “2001 онд гарсан, Perry-тэй хамтарсан өөр нэгэн “G-Dragon” нэртэй дуунаас ялгахын тулд ийм өөрчлөлт хийсэн” гэж тайлбарлав. Одоогоор Сөүл хотын Мапо дүүргийн цагдаа “А”-гийн гаргасан зохиогчийн эрхийн зөрчилтэй холбоотой гомдлыг мөрдөн шалгаж байна.
