Найруулагч П.Лхагвадуламын “Урагшаа харсан цонх” (A south facing window) богино хэмжээний кино 78 дахь удаагийн Локарногийн олон улсын кино наадмын Pardi di Domani – Concorso Corti d’Autore (Leopards of Tomorrow – Short Film Competition) буюу богино хэмжээний киноны уралдаант хэсэгт сонгогдон, дэлхийн нээлтээ наймдугаар сарын 10-ны өдөр хийсэн.
Эл хэсэгт дэлхийн 25 орны 40 кино бүтээл сонгогдон өрсөлдсөнөөс “Урагшаа харсан цонх” кино хоёр шагнал хүртжээ.
Ташрамд дурдахад, “Урагшаа харсан цонх” киноны гол дүрийг жүжигчин М.Аззаяа, М.Алтаншагай нар тоглосон бөгөөд киног Хонгконгийн “Asian Film Awards Academy”-ийн дэргэдэх “nternational Film Camp” хөтөлбөр болон Францын Үндэсний кино урлагийг дэмжих сан, “Арте Франц” зэрэг байгууллагуудын дэмжлэгтэйгээр “Гуру Медиа” болон “Аврора Филмс” хамтран бүтээсэн юм.
