Стриминг үйлчилгээний платформ болох “Netflix” компани АНУ-ын Филадельфи болон Даллас хотуудад “Netflix House” нэртэй шинэ төрлийн тоглоомын төв нээхээр болжээ.
Эдгээр төвүүд нь тус бүр ойролцоогоор 1000 м² талбайг эзлэх бөгөөд “Wednesday”, “Squid Game”, “One Piece”, “Stranger Things”, “KPop Demon Hunters”, “Love Is Blind”, “Sakamoto Days”, “A Knives Out Mystery” зэрэг “Netflix”-ийн хамгийн алдартай цувралууд дээр суурилсан олон төрлийн үйл ажиллагааг санал болгох юм. Жишээлбэл, “Netflix House”-д зочилсноор кино бүрээс сэдэвчилсэн мини гольфийн талбайд тоглох боломжтой бөгөөд тусгайлан бүтээсэн виртуал орчинд цувралуудын ертөнцөөр дуртай дүрдээ хувирч аялах боломж бүрдэх юм. Филадельфи болон Даллас дахь “Netflix House” төвүүд нь харилцан өөр өөр хөтөлбөртэйгөөр зохион байгуулагдахаар болжээ.
Филадельфи хот дахь “Netflix House” төв нь энэ оны арваннэгдүгээр сарын 12-нд, Даллас хот дахь нь төв арванхоёрдугаар сарын 11-ний өдөр тус тус нээгдэх аж.
