82 дахь удаагийн Венецийн олон улсын кино наадам Италийн Лидо арал дээр наймдугаар сарын 27-ны өдөр албан ёсоор нээлтээ хийлээ. Дэлхийн хамгийн нэр хүндтэй кино наадмуудын нэгд тооцогддог Венецийн наадамд Холливуудын оддын гялалзсан төрхүүд цуглаж, шинэхэн кино бүтээлүүдийнхээ нээлтийг угтан улаан хивсний ёслол дээр хүрэлцэн ирээд байна.
Энэ удаагийн кино наадмын үеэр найруулагч Гильермо дель Торогийн “Frankenstein”, Кэтрин Бигелоугийн “A House of Dynamite”, Йоргос Лантимосын найм дахь бүтээл болох “Bugonia”, Жим Жармушийн “Father Mother Sister Brother”, Ноа Баумбахын “Jay Kelly” зэрэг бүтээлүүд нээлтээ хийх юм.
Ингээд Венецийн кино наадмын улаан хивсний шилдэг төрхүүдтэй танилцацгаая.
