“Оскар”-ын шагналт найруулагч Паоло Соррентиногийн “La Grazia” бүтээл 82 дахь удаагийн Венецийн кино наадмын нээлтийн киногоор шалгарч, үзэгчдэд хүрчээ.
Соррентиногийн хэлснээр тус бүтээлээ улс төрийн нэгэн бодит нөхцөл байдлаас сэдэвлэсэн агаад ёс суртахууны гүн гүнзгий асуултуудыг хөнджээ.
Киноны гол дүрд Соррентинотой олон жил хамтран ажилласан жүжигчин Тони Сервилло болон Анна Ферцетти нар тоглосон байна.
Уг бүтээлд Италийн Ерөнхийлөгч албан тушаалынхаа сүүлийн саруудыг хэрхэн өнгөрүүлж байгаа тухай өгүүлнэ. Тэрээр хүн амины хэрэгт буруутгагдан ял эдэлж буй хоёр хоригдлыг өршөөх эсэх шийдвэрийн өмнө тулж иржээ.
