“Кремлийн шидтэн” кино нээлтээ хийж, үзэгчдэд хүрлээ

82 дахь удаагийн Венецийн олон улсын кино наадам Италийн Лидо арал дээр наймдугаар сарын 27-ноос есдүгээр сарын 6-ныг хүртэл үргэлжилнэ.

Энэ удаагийн кино наадмын үеэр найруулагч Гильермо дель Торогийн “Frankenstein”, Кэтрин Бигелоугийн “A House of Dynamite”, Йоргос Лантимосын найм дахь бүтээл болох “Bugonia”, Жим Жармушийн “Father Mother Sister Brother”, Ноа Баумбахын “Jay Kelly” зэрэг бүтээлүүд нээлтээ хийх юм.

Тэгвэл эл наадмын үеэр мөн ОХУ-ын Ерөнхийлөгч Владимир Путин хэрхэн төрийн эрхэнд гарсан үйл явдлыг харуулах “The Wizard of the Kremlin” буюу “Кремлийн шидтэн” кино нээлтээ хийж, үзэгчдэд хүрлээ.

Тус бүтээлийг Францын найруулагч Оливье Ассая бүтээжээ. Тэрээр улс төр, хүн хоорондын сэтгэхүйн нарийн харилцааг тун өвөрмөц задлан харуулж чаддаг гэдгээрээ олон улсад танигдсан бөгөөд кино шүүмжүүд мөн алдартай нэгэн юм. Харин “Кремлийн шидтэн” киноны Владимир Путины дүрийг алдарт жүжигчин Жуд Лоу бүтээжээ.

Энэхүү бүтээлийг Жулиано да Эмполигийн 2022 онд бестселлер болсон ижил нэрт романаас сэдэвлэсэн агаад Вадим Баранов гэх дүрийн эргэн тойронд өрнөдөг. Уг дүрийг улс төр, нийгмийн зүтгэлтэн Владислав Сурковаас сэдэвлэн бүтээжээ. Тэрбээр олон жил Путинд зөвлөхөөр ажилласан юм.