Г.Занабазарын нэрэмжит Дүрслэх урлагийн музей болон “Хэрэглээний урлал” НҮТББ-ын хамтран зохион байгуулсан монголын хөдрөг ба гар урлалын их наадам гурав дахь жилдээ найм хоногийн турш амжилттай зохион байгуулагдаж, шилдгүүдээ тодрууллаа.
Уг наадамд өөрийн гоц гойд ур чадвар гаргууд гүйцэтгэлээрээ цойлон ялгарсан дараах уран бүтээлчид шагналаа гардаж авлаа.
Гранпри цом, “Алтан соёмбо”: хөдрөг урлаач Д.Оюунбилэг,
Уламжлалт хөдрөг төрөл: хөдрөг урлаач Ш.Чулуунцэцэг,
Цүнх төрөл: эсгий урлаач Л.Баярмаа,
Сүлжмэл арт төрөл: сүлжмэл урлаач М.Амгаланням,
Хүүхэлдэйн төрөл: А.Аминсувд /тэргүүн байр/, Г.Цогзолмаа /дэд байр/,
Шилдэг гар урлал төрөл: сүрлэн урлаач Г.Туяа,
Шилдэг оролцогч төрөл: С.Болормаа тусгай үзэсгэлэнгээрээ тус тус шалгарлаа.
Уг наадмын шүүгчдээр мэргэжлийн уран бүтээлчид болон докторын зэрэгтэй багш нар хамтран ажиллажээ.
