Монголын кинотеатруудын менежментийн холбооноос кинотеатруудаар үзэгчдийн хүртээл болгож буй Монгол уран бүтээлүүдийн нээлтийн үзвэрийн тоог төдийгүй тухайн уран бүтээлүүдийн долоо хоног, нэг сар, улирлын үзэлт болон нийт үзэгчдийн тоог гаргаж, олон нийтэд танилцуулдаг.
Тэгвэл тус холбооноос өнгөрч буй долоо хоногт нээлтээ хийсэн уран бүтээлийн эхний гурван өдрийн үзэгчдийн тоог танилцууллаа. Тодруулбал, есдүгээр сарын 1-нд нээлтээ хийсэн “Дииииид” продакшны дэлгэцийн анхны уран бүтээл “Мөнгөний дүрэм” уран сайхны киног 11282 үзэгч үзжээ.
Сонирхолтой богино бичлэгүүдийг сошиал хуудсуудаараа дамжуулан үзэгчдэд хүргэдэг “ДиииииД” продакшны дэлгэцийн бүрэн хэмжээний уран сайхны “Мөнгөний дүрэм” киноны ерөнхий продюсероор Ж.Балжинням, ерөнхий найруулагчаар Э.Тодбаяр, Н.Болдбаатар нар ажиллажээ.
