УДЭТ-ын уран бүтээлчид энэ амралтын өдрүүд буюу есдүгээр сарын 13, 14-нд Ц.Балдоржийн “Хайрын виз” жүжгээ тоглох гэж байна. Жүжгийн гол дүрүүдэд жүжигчин Т.Сэргэлэн, П.Мягмарсүрэн, Ц.Жаргалсайхан, Т.Анхзул нар тоглоно.
.jpg)
Эл уран бүтээлийг 2006 онд үзэгчдэд анхлан хүргэсэн бол 2019 онд найруулагч М.Батболдын найруулгаар дахин олны хүртээл болгож байв.
Гэрлэлт бүр хайрын төлөө байдаггүй. Хүн бүхэн ч хангалуун баян амьдардаггүй. Гэхдээ хүн бүрт мөнгө хэрэгтэй. Танд ч, надад ч, хэн бүхэнд. Эд хөрөнгөөр дутаж үзээгүй эрх танхил залуу Жаргал болон түүний найз Цэнгэл гэх хоёр залуу анхны уулзалтаар хүнийг өөртөө дурлуулах боломжтой гэж үзэн телевизийн шоу нэвтрүүлэг хийх зорилгоор Сүндэр, Ану гэгч хоёр бүсгүйтэй танилцаж буйгаар жүжгийн үйл явдал өрнөнө.
