Урлаг судлаач М.Аминаа “Синдром” арт шоугаа гурав дахь удаагаа зохион байгуулахаар болжээ. Урлагийн түүхийн лекц, дүрслэх урлаг, балет, хөгжим, дууны болон дижитал урлагийг нэгтгэдэг “Синдром” арт шоу энэ удаад “Густав Климтийн алтан үнсэлт” сэдэвтэйгээр зохион байгуулагдах аж.
“Синдром” арт шоу есдүгээр сарын 27-ны 18:00-21:00 хүртэл “Корпорейт” зочид буудлын их танхимд болно.
Зохион байгуулагчаар “Анима” дүрслэх урлагийн коллеж, “Машка” арт спейс, хамтран зохион байгуулагчаар МУИС-МХСС, Утга зохиол, урлаг судлалын тэнхимийн Урлаг судлалын “Шар өрөө” клуб ажиллаж байна.
Тасалбарыг www.portal.mn-ээс авах боломжтой.
