Австрали, Монгол, Германы уран бүтээлчдийн хамтын бүтээл, Австралийн найруулагчийн “The Wolves Always Come at Night” буюу “Чоно үүр шөнөөр ирдэг” кино БНХАУ-ын Фужоу хотод болсон 12 дахь “Silk Road” олон улсын кино наадмаас “Golden Silk Road” шилдэг баримтат киноны шагнал хүртлээ.
Тус бүтээлийг Австралийн “Over Here Productions”, Германы “Chromosom Films”, Монголын “Гуру Медиа” хамтран бүтээсэн бөгөөд энэ удаагийн наадамд 125 орны 2825 бүтээл өрсөлдсөнөөс баримтат киноны төрөлд зуу гаруй бүтээл дундаас шалгарчээ.
Энэ кино нь Баянхонгор аймгийн Бууцагаан сумын иргэн Д. Даваасүрэнгийн гэр бүлийэ бодит түүхээр дамжуулан, мянга мянган жил оршин тогтносон нүүдэлчин ахуй, соёл уур амьсгалын өөрчлөлтийн сорилттой хэрхэн нүүр тулж байгааг өгүүлдэг.
Түүнчлэн уг бүтээл нь 2026 оны “Оскар”-ын шилдэг олон улсын кино төрөлд Австралийг төлөөлөн нэр дэвшээд байгаа бөгөөд үзэгчдэд 2025 оны аравдугаар сараас Univision, DDish, Look TV болон VOO сувгаар хүрэхээр болжээ.
