Соёлын бүтээлч үйлдвэрлэлийн тэргүүлэх чиглэлүүдийн нэг болох утга зохиол, ном хэвлэлийн салбарыг хөгжүүлэх, бүх нийтийн эх хэл, уран зохиолын боловсролыг дэмжих, хүүхэд, залуучуудын үндэсний ухамсар, сэтгэлгээ, бахархлыг төлөвшүүлэх зорилгоор “Утга зохиолын долоо хоног” аяныг 2025 оны есдүгээр сарын 22–28-ны өдрүүдэд улс орон даяар өргөн хүрээнд амжилттай зохион байгуулж өндөрлөлөө.
Тус аяны онцлох нэгэн үйл ажиллагаа болсон “Жүжгийн зохиолын улсын уралдаан”-д шинэ залуу уран бүтээлчид, туршлагатай зохиолчид өрсөлдөн, түүхэн, орчин үеийн, хүүхэд, залуучуудын сэдвээр уран бүтээлээ өргөн барьж, монгол тайзны шинэ эрин үеийг нээхүйц бүтээлүүд төрөн гарлаа.
Түүхэн сэдэвт жүжгийн зохиол
1-р байр – Б.Сарантуяа “Цусан тамгатай хатан”
2-р байр – Э.Батболд “Маргааш мандах нар”
3-р байр – О.Элбэгтөгс “Доголон Төмөр: Алтан илдийн гэсгээл”
Аттила хааны тухай жүжгийн зохиол
1-р байр – Д.Төрбат “Аттила”
2-р байр – Ч.Нарансоёл “Тэнгэрийн ташуур – Аттила”
3-р байр – Т.Султан “Тэнгэрийн ташуур”
Орчин үеийн сэдэвт жүжгийн зохиол /Мюзикл жүжгийн зохиол/
1-р байр – Ч.Зоригтбаатар “Хуучин сүмийн дуун”
2-р байр – Н.Бадамжав “Агч мод”
3-р байр – А.Итгэл “Хаалгаа нээгээрэй”
Хүүхэд, залуучуудын сэдэвт жүжгийн зохиол
1-р байр – О.Элбэгтөгс “Тэнгисийн хоёр эрэг”
2-р байр – Д.Урианхай “Өглөө бүхэн хүлээлгэх “Ув улаан галт тэрэг”
3-р байр – Д.Дашдондов “Хийлийн эгшиг”
Энэ жилийн уралдаан нь зөвхөн шагнал гардуулсан төдий бус, харин шинэ зохиолчид, шинэ сэдэв, шинэ эрч хүчийг Монголын тайзны урлагт залж ирсэн түүхэн үйл явдал боллоо.
