Улаанбаатар олон улсын кино наадам “Амьсгалын дуу” киногоор нээнэ

Монголын Урлагийн Зөвлөлөөс жил бүр зохион байгуулдаг “Улаанбаатар” олон улсын кино наадам (УБОУКН) аравдугаар сарын 8-15-ны өдрүүдэд болно.

“Улаанбаатар” олон улсын кино наадмын хөтөлбөрийг толилуулъя.

Энэ жилийн наадмын хөтөлбөрт Монгол, Иран, Франц, Герман, Бразил, Норвеги, Хятад, Исланд, Литва, Финланд, Итали, Австрали, Швейцар, Куба, Унгар, Япон зэрэг улсуудын 2024-2025 онд бүтээгдсэн уран сайхны болон баримтат кино үзвэр болох байна.

Мөн Монголын сор бүтээлчийн сонгодог бүтээлийг дахин танилцуулах “Үзэхийн хязгаар” хэсэг, “Хангарди” Монгол киноны уралдаант хэсэг, “Залуу үзэгч” кино боловсрол олгох хөтөлбөр болон кино уран бүтээлчдийн форумыг “Тэнгис” кино театр болон “Prime Cineplex Encato”-д зохион байгуулахаар бэлтгэж байгаа аж.