Их Британийн жүжигчин, кино найруулагч, хөгжимчин Гэри Олдман “Ххүлэг баатар”-ын хэргэм хүртлээ. Энэ өдрөөс эхлэн түүнийг Сэр Гэри гэж дуудах юм.
Эзэн хаан Чарльз III өнгөрсөн зургаадугаар сард түүнд энэхүү хүндэт хэргэм олгосноо зарласан. Өчигдөр 2025.10.01/ түүнд хэргэмийг ханхүү Уильям олголоо.
Өдгөө 67 настай Гэри Олдман эерэг, сөрөг ямар ч дүрийг амархан бүтээж чаддагаараа алдартай. Тэрбээр гурван удаа “Оскар”-ын шагналд нэр дэвшиж, 2017 онд Ерөнхий сайд Уинстон Черчиллийн дүрээр “Оскар” хүртэж байлаа. Мөн түүний найруулсан “Nil by Mouth” кино хоёр ч удаа BAFTA шагнал хүртсэн билээ.
Жүжигчин Брэд Питт түүнийг “Бурхан” гэж нэрлэсэн бол Дэниел Рэдклифф “Олдман бол миний шүтдэг жүжигчин”, Райан Гослинг “Хамгийн хайртай жүжигчин”, Энтони Хопкинс “Хэт авьяаслаг жүжигчин”, Том Харди “Дэлхийд амьдарч байсан, байгаа бүх жүжигчдээс хамгийн агуу нь” гэж тодорхойлж байв.
