HBO-ийн бүтээж буй “Harry Potter” телевизийн шинэ цувралд ахмад жүжигчин Жон Литгоу профессор Альбус Дамблдорын дүрийг бүтээж буйг албан ёсоор зарлажээ.
Түүний урт цагаан сахал, нүдний шилт, уламжлалт саарал нөмрөгтэй зураг нийтийн сүлжээнд тархсан нь шуугиан дэгдээж байна.
Жон Литгоу уг дүрд тоглох санал өнгөрсөн онд ирсэн хэмээн “Entertainment Weekly”-д өгсөн ярилцлагадаа дурдсан бөгөөд “Энэ бол миний уран бүтээлийн хамгийн сүүлийн том алхам, магадгүй амьдралын минь цоо шинэ бүлэг” хэмээсэн байна.
Тэрээр дүрдээ зориулан тусгай хэлний хичээлд сууж, Дамблдорын ухаалаг, намуун, гэхдээ дотооддоо асар хүчтэй зан чанарыг гаргахын тулд жүжиглэх арга барилаа эрс өөрчилж байгаа гэв.
Дамблдорын дүрд Жон Литгоуг сонгосон нь зарим үзэгчдийн дунд хэлэлцүүлэг үүсгэж байгаа ч олон шүүмжлэгчид түүнийг “Үндэстний аль ч дүрд амилж чаддаг уян хатан жүжигчин” хэмээн дүгнэжээ. Тэрбээр “The Crown”, “Dexter” зэрэг олон ангит бүтээлүүдээрээ нэрд гарсан юм.
Шинэ цувралын бусад гол дүрүүдэд Жанет МакТир профессор МакГонагаллын дүрийг, Паапа Эссиедү профессор Снейпийг, Ник Фрост Рубеус Хагридын дүрийг бүтээхээр болжээ.
Найруулагчаар “Succession”, “Chernobyl” цувралыг үзэгчдэд хүргэсэн Жохан Ренк ажиллаж байгаа бөгөөд цувралын эхний улирал 2026 оны эхээр HBO болон Max платформуудаар нээлтээ хийх төлөвтэй байна.
