Монголын өсвөрийн эрдэмтдийн уралдааныг Монгол Улсад анх удаа зохион байгуулна.
Боловсролын ерөнхий газрын мэдээлснээр, тус уралдааныг НЕБ-ын 11 дүгээр сургуулийн санаачилга болон Боловсролын яам, Боловсролын ерөнхий газрын дэмжлэгтэй зохион байгуулж байгаа бөгөөд судалгааны бүтээлийг мэргэжлийн шүүгчдийн үнэлгээгээр үнэлэх бие даасан уралдаан юм. Уг уралдаанд ЕБС-ийн 14-18 насны сурагчид эрдэм шинжилгээний судалгааны бүтээл туурвиж оролцох аж.
Олон улсад олон улсын өсвөрийн эрдэмтдийн уралдаан /International Conference of Young Scientists/ -ыг 1994 оноос хойш жил бүр уламжлал болгон зохион байгуулж ирсэн. Өнөөг хүртэл шинжлэх ухаан, инженерчлэлийн зургаан салбар чиглэлд 2500 гаруй илтгэл танилцуулсан байна. Манай улс 2026 оноос эхлэн тус уралдаанд тогтмол оролцох эрхийг авчээ.
Монголын өсвөрийн эрдэмтдийн анхдугаар уралдааны сүүлийн давааны шалгаруулалтаар сурагчдыг байр эзлүүлж урамшуулахаас гадна “ICYS 2026” олон улсын уралдаанд Монгол улсаас оролцох зургаан сурагчийг сонгон шалгаруулах юм. Иймд та бүхнийг https://drive.google.com/…/1x6BzYJ8v…/view… удирдамжтай танилцаж уралдаанд оролцохыг урьж байгаа бөгөөд материал хүлээж авах сүүлийн хугацаа 11 дүгээр сарын 10 байхаар товложээ.
