Монгол улсад кино урлагийн салбар үүсэж хөгжсөний 90 жил, мөн кино зургийн архив байгуулагдсаны 65 жилийн ойн хүрээнд Үндэсний төв архивын Кино, гэрэл зураг, дуу авианы баримтын архив нь ЮНЕСКО-гийн Монголын үндэсний комисс, Соёл, спорт, аялал, жуулчлал, залуучуудын яам, Монголын театрын музейтэй хамтран “Хальсанд мөнхөрсөн Монгол кино” гэрэл зургийн үзэсгэлэн зохион байгуулллаа.
Үндэсний төв архивын Кино, гэрэл зураг, дуу авианы баримтын архивын сан хөмрөгт хадгалагдаж буй Монголын уран сайхны кинонуудын хайчилбар хальснаас сонгосон 60 гаруй гэрэл зураг болон кино аппарат, цом диплом зэргийг дэлгэн буй уг үзэсгэлэнгийн нээлтэд салбарын уран бүтээлчид, албаны төлөөлөгчид оролцлоо.
“Хальсанд мөнхөрсөн Монгол кино” гэрэл зургийн үзэсгэлэн арваннэгдүгээр сарын 10-ны өдрийг хүртэл Монголын театрын музейд үргэлжилнэ.
