Дөнгөж 22 насандаа Холливуудын од болж, сүүлийн 30 гаруй жил кино урлагийн ертөнцөд томоохон хувь нэмрээ оруулсан жүжигчин бол Жулиа Робертс. Тэрбээр өнөөдөр 58 нас хүрч байна.
Жулиа Фиона Робертс 1967 оны энэ өдөр буюу аравдугаар сарын 28-нд АНУ-ын Атланта хотод мэндэлжээ. “Оскар”, “Алтан бөмбөрцөг”, Британийн кино академийн шагналтай тэрбээр уран бүтээлийн гараагаа 1987 онд “Crime story” хэмээх телевизийн цувралд тоглосноор эхлүүлжээ.
Өнөөдрийн хүртэл Жулиа Робертс Pretty Woman, My Best Friend’s Wedding, Erin Brockovich, Mona Lisa Smile, Notting Hill, Ocean’s Eleven, Eat Pray Love гэхчилэн 70 гаруй бүрэн хэмжээний болон цуврал кинонд тоглосон бөгөөд хамгийн сүүлд түүний тоглосон “After the hunt” кино энэ жилийн Венецийн кино наадмын үеэр нээлтээ хийсэн бол түүний дуу оруулсан “Leonard and hungry Paul” уран бүтээл үзэгчдийн хүртээл болоод буй.
Мөн түүний тоглосон гурван ч уран бүтээл тун удахгүй нээлтээ хийхээр товоо зарлаад байна.
“People” сэтгүүлээс “Дэлхийн хамгийн үзэсгэлэнтэй бүсгүй”-гээр жүжигчин Жулия Робертсыг таван удаа тодруулж байв. Тав дахь удаагаа шалгарахдаа тэрбээр 49 настай байлаа.
