Фредди Крюгерын дүрээрээ үзэгчдийн сэтгэлд хоногшсон жүжигчин Роберт Инглунд Алдрын гудамжинд өөрийн одтой боллоо.
Өдгөө 78 настай жүжигчин, найруулагч Роберт Инглунд 1976 оноос өнөөдрийг хүртэлх карьерынхаа туршид 200 шахам дэлгэцийн уран бүтээлд ажиллажээ. Гэсэн ч тэдгээрээс “A Nightmare on Elm Street” кино нь түүнийг алдар хүндийн оргилд аваачсан юм. Тэрбээр аймшгийн төрлийн найман өөр кинонд нэг дүрийг, тодруулбал, Фредди Крюгер гэх алдарт дүрээ бүтээсэн цорын ганц жүжигчин бөгөөд Аймшгийн киноны холбооны “The Life Career Award” шагналтай гэдгээрээ онцгой жүжигчин.
