Холливуудын алдарт жүжигчин, найруулагч, кино зохиолч Итан Хоук өнөөдөр 55 нас хүрч байна.
Итан Грийн Хоук 1970 оны энэ өдөр буюу арваннэгдүгээр сарын 6-нд АНУ-ын Техас мужийн Остин хотод мэндэлжээ.
Уран бүтээлийн гараагаа 15 настайдаа буюу 1985 онд “Explorers” кинонд тоглож эхлүүлсэн бөгөөд 1989 оноос хойш тасралтгүй кино уран бүтээлд тоглож эхэлжээ.
Итан Хоук хэдийгээр жүжигчний гараагаа залуудаа эхлүүлсэн боловч 2000-аад оны үе түүний хувьд аз дагуулсан жилүүд байсан гэхэд хилсдэхгүй. Энэ үед тэрбээр “Training Day”, “Lord of War”, “Assault on Precinct 13” кэрэг алдартай кинонуудад тоглож, үргэлжлүүлэн “Sinister”, “ The Purge” болон “Boyhood” зэрэг кинонд туслах дүрүүдийг бүтээснийг нь өдгөө кино урлагт дурлагсад андахгүй.
Итан Хоук өнөөдрийг хүртэл карьерынхаа туршид “Straight to One” (1993), “Exit Strategy” (2015), “Blaze” (2018), “Adopt a Highway” (2019), “The Good Lord Bird” (2020), “Wildcat” (2023), “King Hamlet” (2025), “The Lowdown” (2025) зэрэг 10 гаруй киноны продюсероор, “Before Sunset” (2004), “The Hottest State” (2006), “Before Midnight” (2013), “Making a Scene” (2013) гэхчилэн 10 гаруй киноны зохиолыг бичиж, 100 гаруй уран сайхны киноны гол болон туслах дүрүүдэд тогложээ.
