Холливуудын хамгийн өндөр орлоготой, эрэлттэй эмэгтэй жүжигчдийн нэг Эмма Стоун өнөөдөр 37 нас хүрч байна.
Эмили Жин Стоун 1988 оны энэ өдөр буюу арваннэгдүгээр сарын 6-нд АНУ-ын Аризона мужийн Скоттсдэйл хотод мэндэлжээ.
2000 онд буюу 12-хон настайдаа “The Wind in the Willows” жүжигт тоглож жүжигчний замналаа эхлүүлсэн Эмма Стоун 2004 онд “In Search of the New Partridge Family” телевизийн цувралд тоглосноор дэлгэцийн уран бүтээлийн гараагаа эхэлжээ.
Эмма Стоун өнөөдрийг хүртэл карьерынхаа туршид “La La Land” (2016), “Cruella” (2021), “Bugonia” (2025) тэргүүтэй 60 орчим бүрэн хэмжээний уран сайхны кино болон телевизийн цувралд гол болон туслах дүрүүдэд тогложээ.
Эмма Стоун “Оскар”-ын наадмын шилдгээр хоёр удаа шалгарч, Британийн кино академийн шагналыг мөн хоёр удаа хүртэж, “Алтан бөмбөрцөг” шагналыг хоёр удаа гардаж байв.
2017 онд тэрбээр дэлхийн хамгийн өндөр орлоготой жүжигчнээр тодорч, түүнээс хойш хамгийн өндөр орлогтой, эрэлттэй жүжигчдийн нэг байсаар буй юм.
“Time” сэтгүүлээс дэлхийн хамгийн нөлөө бүхий 100 хүнийг нэрлэхэд эл жагсаалтад Эмма Стоун багтаж байв.
