БНСУ-ын алдарт “Blackpink” хамтлагийн дуучин Лиза Холливууд руу гарах хоёр дахь алхмаа “Дисней”-н хамгийн алдартай баатруудын нэг болох Рапунзелийн дүрээр хийж магадгүй болжээ.
“Цасангоо”-д Рейчель Зиглер, Галь Гадот нарыг тоглуулаад буруудсан “Дисней” энэ удаад алдаагаа давтахгүйн тулд төслийг ямар ч нөхцөлд унагахгүй байх том нэрийг хайж байгаа бөгөөд түүнд нь “Blackpink”-ийн Лиза яв цав тохирч байгаа аж. Тодруулбал, “Дисней” компани “Tangled” хүүхэлдэйн киноноос сэдэвлэсэн “Рапунзель” киногоор театраас олох орлогоос гадна прокатаар ихээхэн ашиг хийх сонирхолтой байгаа юм байна.
Лиза өнгөрсөн жил HBO телевизийн “Цагаан бадамлянхуяа” цувралын гуравдугаар ангид дүр бүтээж, жүжигчний замналаа эхлүүлэхдээ тоглолтоороо дараагийн том төсөлд бэлэн гэдгээ харуулсан гэж шүүмжлэгчид үнэлсэн юм байна.
