“Кино урлаг, шинжлэх ухааны академи”-аас жүжигчин Том Крузэд кино урлагийн салбарт болон орлон тоглогчид, тулаан гүйцэтгэгчдийн төлөө гаргасан хөдөлмөр, нөлөөг нь үнэлж “Хүндэт Оскар”-ын шагнал гардууллаа.
Анхны “Оскар”-аа Том Круз “Кино бүтээнэ гэдэг миний хувьд зүгээр нэг ажил биш, харин миний хэн болохыг илэрхийлдэг зүйл. Бид хаанаас ирсэн нь хамаагүй театрт хамтдаа инээлдэж, мэдэрч, огшиж, итгэл найдвар төрдөг. Энэ бол кино урлагийн хүч, нөлөө юм. “Би кино урлагийн төлөө чадах бүхнээ хийх болно гэдгийг та бүхэн мэдээсэй гэж хүсэж байна. Шинэ дуу хоолойг дэмжиж, хамгаалж, кино урлагийг хүчтэй болгодог зүйлсийг хадгалж үлдэхийн төлөө бүхнээ зориулна. Харин үүндээ хэт олон яс хугалалгүйгээр хүрнэ гэж найдаж байна” гэжээ.
