Мерил Стрип, Анн Хэтэуэй нарын тоглосон “The Devil Wears Prada”-гийн хүлээлт дагуулсан хоёрдугаар ангийн трэйлер энэ сарын 13-нд цацагдлаа.
2006 онд үзэгчдийн хүртээл болсон тус бүтээл Лорен Вайсбергерийн романд үндэслэн бүтсэн бөгөөд дэлхий даяар 326 сая ам.долларын орлого олсон юм.
Энэхүү бүтээл ирэх зун нээлтээ хийх бөгөөд киноны багт Эмили Блант, Стэнли Туччи нар эхний ангийн дүрүүдээ дахин бүтээж, Кеннет Брана Пристлийн шинэ нөхрийн дүрээр оролцоно гэлээ.
Энэ ангид Миранда Пристли хэвлэл мэдээллийн салбарын уналттай нүүр тулж, өөрийн хуучин туслах, одоо тансаг брэндийн сурталчилгааны гол шийдвэр гаргагч болсон Эмилитэй хамтарч ажиллах шаардлагатай болсноор үйл явдал өрнөх аж.
Киноны зураг авалт хэдийнээ олны анхаарлыг татаж, Бруклинээс Милан хүртэлх зураг авалтын байршлуудад гэрэл зурагчид болон шүтэн бишрэгчид идэвхтэйгээр дагаж байгаа гэлээ.
Мөн тус бүтээл нээлтээ хийхтэй зэрэгцэн “Scary Movie 6”, “Toy Story 5”, “Minions 3”, “Spider-Man”-ы шинэ ангиуд ч нээлтээ хийх товтой байна.
