“The Dark Knight” киноны Жокерын дүрээр танигдаж, домог болсон жүжигчин Хит Леджер 2008 оны эхээр нас барахаасаа өмнө “Queen’s Gambit” бүрэн хэмжээний киног найруулахаар төлөвлөж байжээ. Тэрбээр жүжигчин Эллен Пэйжийг гол дүр Бет Хармоны дүрд сонгож, өөрөө туслах дүрд тоглох гэж байжээ. Уг киногоор тэрбээр найруулагчийн карьераа эхлүүлэхээр зорьж байсан аж.
Хит Леджер “Queen’s Gambit” бүрэн хэмжээний киноны зохиол дээр Аллан Скоттой хамтран ажиллаж, киноны зохиолыг жүжигчин Эллен Пэйж рүү явуулчихсан байжээ. Тэрбээр “Queen’s Gambit” киноныхоо зургийг 2008 оны сүүлчээр авахаар төлөвлөж байв.
Гэвч харамсалтай нь Хит Леджер 2008 оны нэгдүгээр сарын 22-нд амиа хорлож, хорвоогийн мөнх бусыг үзүүлснээр түүний энэ төсөл бүрмөсөн зогсжээ. Хожим 2020 онд дэлгэцийн бүтээл болсон “Queen’s Gambit” цуврал нь Хит Леджерийн анх төлөвлөж байсан киноноос өөр боловч түүний кино зохиолтой бага зэрэг холбоотой байсан.
Хэрэв Хит Леджер 2008 онд таалал төгсөөгүй байсан бол бид Хит Леджер, Эллен Пэйж зэрэг жүжигчний тоглосон “Queen’s Gambit” киног үзэх байлаа.
