“Тоглоомын түүх” хүүхэлдэйн киноны тавдугаар анги 2026 оны зургаадугаа сарын 19-нд нээлтээ хийхээр товлосон ба дараа жил гарах шинэ ангид тоглоомууд “Лили Пад” хэмээх электрон төхөөрөмжтэй өрсөлдөнө гэж тус киноны найруулагч Эндрю Стэнтон мэдэгджээ.
“Орчин цагийн эцэг эхчүүдийн толгойны өвчин болсон, хүүхдүүдийн бүх анхаарлыг булааж буй гар утас, таблет, ipad гэх мэт электрон төхөөрөмж манай гол дүрийн тоглоомуудын дараагийн өрсөлдөгч болсон нь бодит байдалтай илүү ойр санагдана” гэж найруулагч Эндрю Стэнтон тайлбарлаж хэлсэн байна.
Ингэснээр бид дараа жил нээлтээ хийх “Тоглоомын түүх” хүүхэлдэйн киноны тавдугаар ангид тоглоомууд өөрсдийнхөө хамгийн том дайсан болох технологитой өрсөлдөхийг харах нь ээ.
