Бельги гаралтай 15 настай Лоран Симонс ер бусын хурдаар боловсролын карьераа хөгжүүлжээ.
Учир нь тэр дөрвөн насандаа бага сургуульд орж, зургаан насандаа төгссөн. 12 нас гэхэд квант физикийн магистр болж, хар нүх, мөн орчлон ертөнцийн хамгийн нууцлаг хэсгүүдийг тайлбарлах математикийн гүнзгий онолыг судалжээ.
“Бельгийн Жижиг Эйнштейн” гэгддэг тэрбээр 15-тайдаа Антверпений их сургуульд докторын зэрэг хамгаалж, түүхэнд нэрээ мөнхлөх хамгийн залуу физикчдийн нэг болов.
11 настайдаа өвөө, эмээгээ алдаад, бусдад илүү урт бөгөөд эрүүл амьдрал бэлэглэх, хүний насыг хэрхэн уртасгах боломжтойг мэдэхийг хүссэн гэжээ. Судлаачид түүнийг онцгой ой тогтоолттой (фотографийн ой) бөгөөд IQ нь 145 гэж үнэлдэг, энэ түвшин ховор гэдэг.
Лоран нь хамгийн залуу докторын зэрэг эзэмшигч биш юм. Энэхүү рекорд нь 1814 онд 13-тайдаа доктор болсон Карл Виттед хамаарах боловч, орчин үеийн физикт түүний амжилт бараг давтагдашгүй.
Одоо тэр анагаах ухааны салбарыг илүүтэй сонирхож хүний хөгшрөлтийг судлах, түүнтэй холбоотой асуудлаар өөрийгөө сорихыг хүсэж байгаагаа хэлжээ. Гагцхүү квант физик ч бай, анагаах ухаан ч бай түүний ирээдүй нь эхэлж байна гэдэг нь тодорхой байна.
