Монголын кино урлагийн 90 жилийн ойн босгон дээр нээлтээ хийсэн “Золжаргал энд Сон Фильм”-ийн шинэ уран бүтээл “Дөрвөн улирлын эргэлт” хөрөг баримтат кино цэнхэр дэлгэцээр анх удаа үзэгчдэд хүрнэ.
Ардын уран зохиолч Үржингийн Хүрэлбаатарын амьдрал, уран бүтээлийн дөрвөн өнгийг өгүүлсэн энэхүү кино дөрвөн цуварал ангитай.
- Хавар: Гэр бүл, Сэтгүүлч
- Зун: Эрдэмтэн, судлаач
- Намар: Нутаг, ахан дүүс
- Өвөл: Дуу хөгжим, яруу найрагч
Уран бүтээлчид:
- Зохиолч: Г.Золжаргал /МУСГЗ/
- Найруулагч: З.Батбилэг /СТА/
- Редактор: Х.Даваахүү
- Зураглаачид: Э.Түмэннасан СТА, Б.Түвшинжаргал, Н.Тамир
“Дөрвөн улирлын эргэлт” хөрөг баримтат киноны нэг, хоёрдугаар ангийг UBS телевизээр бямба гараг /2025.12.13/-т, гурав, дөрөвдүгээр ангийг ням гараг /2025.12.14/-т толилуулах юм.
