АНУ-ын кино найруулагч Стивен Спилберг тэрбумтнуудын 39 дэх удаагийн жагсаалтын дагуу дэлхийн хамгийн баян алдартнуудын жагсаалтыг тэргүүлжээ. Тэрбээр “Jaws”, “E.T”., “Indiana Jones”, “Jurassic Park” зэрэг алдартай кинонууд нь түүний хөрөнгийг нэмэгдүүлэхэд хүчтэй нөлөөлжээ. Мөн 2021 онд гарсан “West Side Story”-г найруулж, амжилт дагуулсан. Спилберг “Universal” паркуудын тасалбарын борлуулалт тутмаас хоёр хувийн ашиг авдаг.
Тэрбумтан алдартны жагсаалтад “Star Wars”-ыг бүтээсэн Жорж Лукас оржээ. ТэрБээр 2012 онд “Star Wars” франчайзийг “Disney”-д 4 тэрбум ам.доллараар зарсан. Тиймээс тус франчайзийн шинэ киноноос шууд орлого олохгүй. “NBA”-ийн домогт тоглогч Майкл Жордан АНУ-ын хамгийн баян 400 хүний жагсаалтад орсон анхны тамирчин болжээ. Түүний ихэнх хөрөнгө “Nike” компанитай хамтран гаргасан “Jordan” брэндээс бүрдсэн байна.
Ихэнх алдартай хүмүүс баян ч, зөвхөн цөөн хэд нь 10 оронтой хөрөнгөтэй байдаг. Сүүлийн жилүүдэд спорт, хөгжмийн одод бизнес, брэндийн төслүүдээр хөрөнгөө нэмэгдүүлж байгаа юм. Жишээ нь, Рианна болон Jay-Z нар дуу хөгжмөөрөө бус, гоо сайхан, хувцас, архины брэндүүдээр тэрбумтан болсон.
