Улсын драмын эрдмийн театрын жүжигчин Ц.Баясгалан Косово улсад зохиогдсон моно жүжгийн “МонАкт-2014” фестивальд Монгол Улсаа төлөөлөн “Эдит Пиаф байна” жүжгээрээ “Шилдэг уран бүтээл-Гран При” шагналыг хүртсэн билээ.
Олон улсын шүүгчид жүжигчин Ц.Баясгалангийн жүжиглэх, дуулах ур чадварыг өндрөөр үнэлж, энэхүү шагналыг олгосон юм. Харин Улсын драмын эрдмийн театрын үйл ажиллагааны төлөвлөгөөнд уран бүтээлчдийн тайлан тоглолт, цэнгүүнийг зохион байгуулдаг уламжлалтай. Энэ ажлын хүрээнд жүжигчин Ц.Баясгалангийн “Моно жүжгийн өдрүүд” уран бүтээлийн тайлан тоглолт өнөөдөр, маргааш хоёр өдөр драмын тайзнаа болно.
Тэрбээр өнөөдөр 20:00 цагт “Би Эдит Пиаф байна” моно жүжиг, 21:00 цагт “Бенефис” уран бүтээлийн тайлан тоглолтоо хийх бол маргааш 19:00 цагт “Тэнгэрийн аялгуу” моно жүжгээ үзэгчдэд толилуулж, 20:00 цагт “Бенефис” уран бүтээлийн тайлан тоглолт тус тус тавина.
www.URLAG.mn
