Дорноговь аймгийн Сайхандулаан сумын ИТХ, Засаг даргын Тамгын газар, “Ижий говийн тэмээн сүрэг” сумын Тэмээчдийн холбоо хамтран аймгийн баруун бүсийн тэмээний уралдааныг 2026 оны нэгдүгээр сарын 3-нд зохион байгуулахаар төлөвлөжээ.
Уралдаанд баруун бүсийн Сайхандулаан, Мандах, Хөвсгөл, Сайншанд, Даланжаргалан, Айраг зэрэг сумын тэмээчид оролцох бөгөөд ат, тайлаг, тором уралдуулж, шилмэл буур, ингэ шалгаруулах юм.
Дорноговь аймаг 50 гаруй мянган тэмээтэй. Харин Сайхандулаан сум зургаан мянга гаруй тэмээгээр аймагтаа эхний тавд жагсдаг байна. Өнгөрсөн хугацаанд тус сумаас улсын аварга есөн тэмээчин төрсөн бол Монгол Улсад тэмээн поло үүссэн анхны нутаг Сайхандулаан сумыг гэж үздэг.
