БНСУ-ын “далайн хагас дамжуулагч” гэгддэг хатаасан далайн байцайн экспорт энэ онд 1.1 тэрбум ам.долларт хүрэх төлөвтэй байгааг мэдээллээ.
Тус улсын хатаасан далайн байцайн экспорт арваннэгдүгээр сарын байдлаар 1.04 тэрбум ам.долларт хүрч, түүхэн дээд түвшинд хүрээд байна.
АНУ-ын татварын бодлого болон геополитикийн нөхцөл байдал экспортод тодорхой хэмжээнд нөлөөлсөн гэж зарим мэргэжилтэн үзэж байгаа ч Өмнөд Солонгосын соёлын нөлөө бодит өсөлтийн голлох хөдөлгөгч хүч болж байна.
Тухайлбал, “KPop Demon Hunters” анимейшнд гарч буй кимбабны дүрс олон улсын үзэгчдийн анхаарлыг татсан нь далайн байцайг сониучирхах хандлагыг нэмэгдүүлжээ.
Харин БНСУ-ын Засгийн газар уг хандлагыг овжин ашиглан ирэх 2026 онд Инчоны олон улсын нисэх онгоцны буудалд далайн байцайг сурталчлах төв байгуулахаар 1 тэрбум вон төсөвлөсөн байна.
