“Нэтфликс”-ийн алдарт “Stranger Things” цуврал гайхалтай үнэлгээ авч, зарим соёлын салбарт ч нөлөө үзүүлсэн талаар “Gizmodo” цахим хуудас нийтэллээ.
Арав орчим жил үргэлжилсэн, таван бүлэг шинжлэх ухааны уран зөгнөлт цуврал болох “Stranger Things” нь соёлын асар том үзэгдэл болж, “Нэтфликс”-ийн шилдэг 10 цувралд тогтмол багтаж ирсэн. Уг цуврал нь алдарт жүжигчин Вайнона Райдер, Мэттью Модин нарын жүжигчний замналын эхлэл болсон төдийгүй алдар нэр нь хөгжим, тоглоомын төдийгүй нийтийн хоолны салбарт ч нөлөөлжээ.
“Нэтфликс”-ийн хэвлэлийн мэдээнд дурдсанаар “Stranger Things” цувралын нэгээс дөрөвдүгээр бүлгийн үзэлтийн тоо өнөөдрийн байдлаар 1.2 тэрбумд хүрсэн нь тус стримингээр цацагдсан цувралуудаас хамгийн өндөр үзүүлэлт болсон аж. Үүгээр зогсохгүй тав дахь бүлгийг дэлхий даяар 102.6 сая хүн үзжээ.
Тус цувралын дөрөвдүгээр бүлэгт хэдэнтээ “эгшиглэсэн” Кейт Бушийн “Running Up That Hil” дуу /1985 он/ асар их амжилт олсон бол Диана Россын “Upside Down” дууг сонссон тоо нь дэлхий даяар 1250 хувиар нэмэгдсэн байна.
Мөн “Chips Ahoy” жигнэмэг, “Nike Dunk Lows”пүүз, ном, комик зэрэг “Stranger Things”-ээс сэдэвлэсэн бараа бүтээгдэхүүнүүдийн борлуулалт амжилттай болсныг Нэтфликсийн хэвлэлийн мэдээнд онцолжээ.
