Кино урлагийг дэмжих сангийн 2025 оны сонгон шалгаруулалтаар гурван төсөл, арга хэмжээнд тодорхой хувийн эргэн төлөгдөх нөхцөлгүй санхүүжилт олгохоор шийдвэрлэжээ. Тодруулбал, Т.Мягмартогтохын “Тусгаар тогтнол бошиг сахигч” уран сайхны кино, “Оюунлаг эргэлт медиа” группийн “Давс үүрсэн 40 жил” баримтат кино, “Ширээт олом этүгэн” ХХК-ийн “Тэхийн зогсоол” уран сайхны кино шалгарчээ.
Энэ сонгон шалгаруулалтад төсөл мэдүүлсэн уран бүтээлчид 2026 онд зарлагдах Кино урлагийг дэмжих сангийн сонгон шалгаруулалтад мэдүүлгээ сайжруулан дахин илгээх боломжтой гэдгийг албаныхан мэдээлсэн байна.
Хэвлэл мэдээллийн Эргэлт.мн мэдээллийн сайтын “Давс үүрсэн 40 жил” баримтат кино төсөл нь Берлиний олон улсын кино наадамд оролцож, Берлиний олон улсын кино наадмын (Berlinale) дэргэдэх Европын кино маркетад (European Film Market, EFM)- оролцоход Кино урлагийн зөвлөлөөс дэмжлэг үзүүлсэн юм.
