Алдарт хөгжмийн зохиолч Ханс Циммер HBO-н бүтээж буй “Harry Potter” шинэ цувралд хөгжмийн зохиолчоор оролцохоор болжээ.
Мөн түүнээс гадна Расселл Эмануел, Стивен Кофский болон “Bleeding Fingers” студийн хөгжмийн зохиолчдыг оролцуулж тус шинэ цувралд зориулсан хөгжмийг зохиолгох аж.
2027 онд үзэгдчийн хүртээл болохоор төлөвлөгдөж буй уг цувралд “Inception”, “Dune”, “Gladiator” зэрэг киноны хөгжмүүдээрээ алдартай хөгжмийн зохиолч Ханс Циммер оролцохоор болсон нь “Harry Potter” цувралын хүлээлтийг улам нэмэгдүүлж буй юм. Тэрбээр “Dune”, “Lion King” кинонд зориулан бичсэн хөгжмийн зохиолоороо “Оскар”-ын шагнал хүртэж байсан билээ.
