Реппер ThunderZ “Tengri: Gegeen” хэмээх дуугаа цацаад тав хонож буй. Энэ хугацаанд эл дуу Youtube сувагт хоёр сая гаруй хандалтаад буй.
Түүнчлэн тэрбээр энэ оны тавдугаар сарын 23-нд Төв цэнгэлдэх хүрээлэнд “Тэнгри” нэртэй бүрэн хэмжээний бие даасан тоглолтоо хийхээ зарлаад байна.
Тэгвэл үүнтэй зэрэгцэн Төрийн шагналт, Хөдөлмөрийн баатар, Ардын уран зохиолч Лодонгийн Түдэвийн “Оройгүй сүм” роман номын дэлгүүрүүдийн хамгийн их борлуулалттай ном болжээ. Мөн “Оройгүй сүм” романы аудио хэлбэрийг сонсох сонсогчдийн тоо ч нэмэгдэж байна. Тухайлбал, “Интерном” номын дэлгүүрийн энэ долоо хоногийн хамгийн их борлуулалттай номоор “Оройгүй сүм” роман толгой цохиж буй талаар мэдээлжээ.
Энэ талаар реппер ThunderZ буюу Б.Өлзий-Учрал “Нөлөөлөл гэж үүнийг хэлдэг” хэмээн өөрийн цахим хуудсандаа нийтэлсэн байна.
