Нийслэлийн 375 жилийн ойг угтаж Улаанбаатар хотын захирагчийн ажлын алба, нийслэлийн ерөнхий төлөвлөгөөний газар урлагийн байгууллагуудтай хамтран Монголд анх удаа "Улаанбаатар уран баримал" наадмыг зохион байгуулаад байгаа билээ.
.Энэхүү наадмыг жил бүр уламжлал болгон явуулснаар хөшөө барималаар дамжуулан нийтэд хандсан биет нийгмийн зар сурталчилгаа түгээх боломжийг бий болгох, иргэдэд урлагийн боловсрол олгох, мэргэжлийн байгууллагуудын уялдаа холбоог сайжруулах, эрх зүйн таатай орчныг бий болгох чухал ач холбогдолтой хэмээн албаныхан онцоллоо.
Наадамд оролцогчдийн шалгарсан загварыг зургадугаар сарын 24-нд олон нийтийн хүртээл болгон танилцуулсан бөгөөд долдугаар сарын 5-14-ний өдрүүдэд Үндэсний цэцэрлэгт хүрээлэнд байршуулах юм.
"Улаанбаатар уран баримал"-д шагнал эзэлсэн эхний гурван байрны уран бүтээлчид цом, таван сая төгрөгийн эздээр тодрохоос гадна оролцсон бүх багийнханд ивээн тэтгэгчдийн шагналтай гэнэ.
Та бүхэндээ "Улаанбаатар уран баримал" наадмын үйл ажиллагааны хуваарийг танилцуулж байна.
www.URLAG.mn
