“Маппет” театр, “Улаанбаатар” циркийн хамтын бүтээл “Muppet universe” -ийн хамгийн том бүтээл “Цоохор сар” гүн шөнийн үлгэр, хүүхэд, гэр бүлд зориулсан жүжиг үзэгчдэд хүрч эхэллээ.
Цаг тоолол эхлэхээс өмнө тэнгэр шар өнгөтэй, нар харин хөх өнгөөр асан гэрэлтдэг байх үед юм гэнэ. Тэнгэрт байх шүтээнүүд хоорондоо зөрчилдөн тэмцэлдэхэд газарт тэднийг шүтэгч хоёр овог тэсрэг тал болон өш зангидаж эвлэршгүйгээр арсалдсаар маш дэлгэмэл жилийг өнгөрөөсөн байлаа. Улбар зүст луут овог, хөх нөмрөгт чоно овгийн дуусашгүй тэмцэл үргэлжилсээр үе дамжин хуйларч газарт шингэн багтарсаар халуун цөмд тулав гэнэ. Манан дунд гэтэх чоно, гүн шөнийн харанхуйд сүүдрээр дагах луу хүртэл амьсгаа даран мөлхөнө. Жир бишийн он цаг, орон зайд өрнөх хөгшин үлгэр дахин яригдах цаг иржээ.
“Цоохор сар” жүжгийн зохиолыг Д.Отгонбаяр бичиж, М.Лхагва найруулжээ. Дүрүүдэд Б.Баторших, Г.Гандөш, Ж.Цэдэндамба, Э.Мөнхтулга, Р.Долгорням, Г.Рагчаа, А.Ариунзаяа, П.Эрдэнэзаяа, Ц.Энх-Орчлон, Г.Сансартуяа, А.Жанцанноров, Б.Тэнгис, Б.Энхтүвшин, Э.Мөнгөн-Эрдэнэ, Т.Өлзийтогтох болон “Улаанбаатар” циркийн уран бүтээлчтд тоглож байна.
