“Rapa Das Bestas” буюу “Адууны дэл засах” наадам нь Испаничуудын зуны томоохон уламжлалт наадмуудын нэг.
Энэхүү наадам Испанийн баруун хойд зүгийн тосгон болох Сабуседогоос гаралтай бөгөөд 400 гаруй жилийн түүхтэй аж.
Наадмыг долдугаар сарын эхний долоо хоногийн амралтын өдрөөр зохион байгуулдаг юм байна. Энэ дагуу долдугаар сарын 5, 6-ны өдрүүдэд Адууны дэл засах уламжлалт наадам болжээ.
Уг наадамд газар газраас ирсэн зуу зуун адуу оролцдог. Наадмын гол зорилго нь зуны халуун өдрүүдэд адууг сэрүүцүүлж, үс ноосноос нь салгах гэнэ.
Амьтан хамгаалах нийгэмлэгүүдийн зүгээс энэ наадамд эсэргүүцэлтэй ханддаг аж. Амьтадтай зүй бусаар харьцсан, тамлан зовоосон наадам хэмээн үздэг байна.
Гэвч өнөөдрийг хүртэл уг наадамд оролцох, үзэж сонирхох хүмүүсийн тоо буураагүй байна.
Эх сурвалж : Р.Адъяасүрэн | GoGo.mn
