“International awards 2026” тавдугаар сарын 15-нд “Хүн” театрт болохоор товлогдоод буйг зохион байгуулагчид нь өчигдөр /2026.04.16/ мэдэгдлээ.
Энэхүү арга хэмжээг “Мисс Монголиа холбоо”, “Event masters”, “First Foundation” зэрэг монгол, солонгосын баг хамтран зохион байгуулж байгаа юм.
“International wards 2026”-ын хөтөлбөрт “Мисс Монголиа 2026” наадмын тэргүүн титмийн эзэд тодруулах, 12 дахь удаагаа зохион байгуулагдаж буй Азийн шилдэг 10 брэндийг шалгаруулж, шагнал гардуулах, хоёр удаагаа зохион байгуулагдаж буй “International model awards”-ын шилдгүүдийг тодруулах, олон улсын загварын шоу зэрэг томоохон арга хэмжээ багтаж байна.
“Event masters” ХХК-ийн захирал М.Дорждэрэм “Азийн шилдэг брэндийн шагналыг гардан авахаар олон улсын томоохон компаниудын захирлууд Монголд ирэх учраас хоёр талын бизнесийн хамтын ажиллагааг өргөжүүлэх боломж нээгдэж байгаа. Мөн олон улсын загварын шоу болно. Үүнд Монголын шилдэг дизайнеруудын бүтээлийг үе үеийн топ моделиуд, тэргүүн миссүүд толилуулна. Түүнчлэн загварын хаан гэгддэг Андрей Кимийн загварыг үзүүлэхээр Солонгосоос 20-30 хүний бүрэлдэхүүнтэй баг ирж байгаа” гэлээ.
