Попын хааны тухай “Michael” намтарчилсан киноны нээлт өнгөрсөн даваа гараг /2026.04.20/-т АНУ-ын Лос-Анжелес хот дахь “Долби” театрт боллоо. Кино нээлтэд Майкл Жексоны хүү Принц Жексон хамаатнуудынхаа хамт оролцсон ч түүний ганц охин Парис Жексон ирээгүй аж.
Антуан Фукуагийн найруулсан энэхүү “Michael” кино нь Майкл Жексоны 1960-аад онд “Jackson 5” хамтлагаас эхэлсэн алдар нэрийн замнал, дэлхийн хамгийн том энтертайнер болсон түүхийг 2009 онд нас барах хүртэл нь өгүүлнэ. “Michael” кино энэ баасан гараг /2026.04.24/-аас кинотеатруудаар гарч эхлэх юм.
