Монголын моно жүжгийн үндэсний төвөөс уламжлал болгон “Ялагчдын цуваа” (The parade of winners) нэг хүний жүжгийн олон улсын фестивалийг зохион байгуулдаг. Тэгвэл эл олон улсын наадамд оролцох босго болдог “Үндэсний ялагч” улсын уралдаан ирэх тавдугаар сарын 25, 26-нд болно.
Тайзны урлагийн хамгийн хүнд төрөлд тооцогддог ганц хүний буюу моно жүжгийн тус уралдаанд нийслэл болон орон нутгийн мэргэжлийн жүжигчид ур чадвараараа өрсөлддөг билээ. Тус цралдааныг ялагчаар тодорсон уран бүтээлч “Ялагчдын цуваа” олон улсын фестивальд оролцон, олон улсын уран бүтээлчидтэй “тулах” юм.
