“Netflix”-ийн долоо хоногийн гадаад хэлээрх цувралын жагсаалтыг романтик, инээдмийн төрлийн драма болох “Sold Out on You” нээлтээ хийснээс ердөө долоо хоногийн дараа тэргүүлсэн үзүүлэлт гарлаа.
12 ангит уг цуврал нь өнгөрсөн долоо хоногт 4.7 сая үзэлт цуглуулж, “Netflix”-ийн гадаад хэлээрх бүх цувралуудаас хамгийн өндөр үзүүлэлттэй болсон байна. Түүнчлэн Тайвань, Гватемал, Перу зэрэг улсад нэгдүгээрт бичигдэж, нийт 42 улс, бүс нутагт топ 10-т багтжээ.
Ан Хё Соп болон Чэ Вон Бин нарын гол дүрд нь тоглосон “Sold Out on You” цуврал нь төгс төгөлдөр рүү тэмүүлэгч залуу фермер, байгалийн гоо сайхны бүтээгдэхүүн үйлдвэрлэгч Мэттью Ли болон нойргүйдэлтэй, гэрийн худалдааны нэвтрүүлгийн хөтлөгч Дам Е Жин нарын хайр дурлалын түүхийг өгүүлдэг. Дам Е Жин нь чухал гэрээ байгуулахын тулд Лигийн ховор орцыг хэрэглэх шаардлагатай болсноор үйл явдал өрнөдөг.
