УДБЭТ-ын уран бүтээлчид өнгөрсөн амралтын өдрүүдэд Францын нэрт хөгжмийн зохиолч А.Аданы “Жизель” балетыг толилууллаа.
Энэхүү гайхалтай бүжгэн жүжгийг анх 1841 оны зургадугаар сарын 28-нд Жан Коралли, Жюль Перро нарын дэглэлтээр Францын Парис хотноо “Гранд опера” театрын тайзнаа амилуулж байжээ. 1884 оноос эхлэн балетмейстер Мариус Петипагийн дэглэлтээр тавьсан нь өнөөгийн бидний үзэж буй гайхамшигт сонгодог балет юм.
Харин манай улсад анх 1979 онд “Жизель” балетыг тайзнаа амилуулж байжээ.
