20 жилийн өмнө Каннын кино наадмын түүхэнд хамгийн удаан үргэлжилсэн (22 минутын турш) нижигнэсэн алга ташилтыг хүртэж байсан Мексикийн нэрт найруулагч Гильермо дель Торогийн “Ойн савдгийн эргүүлэг” (Pan’s Labyrinth) киног тус наадмын “Cannes Classics” хэсэгт дахин үзүүлжээ.
20 жилийн өмнө испани хэлээрх уг киног үзэгчид тийнхүү халуун дотноор хүлээн авсан нь “хүний сэтгэл хөдлөлийн дээд цэг байсан” хэмээн найруулагч Г.дель Торо “Ройтерс” агентлагт ярилцлага өгөхдөө дурссан байна.
Дижитал аргаар сэргээн засварласан тус киноны үйл явдал Франкогийн дарангуйллын үеийн Испанид өрнөх бөгөөд шидэт савдгийн ятгалгаар гурван аюултай даалгавар биелүүлж буй охины тухай өгүүлдэг.
Кино урлагийн сонгодог бүтээл болсон уг киног 3D форматаар энэ оны сүүлчээр кино театруудын дэлгэцнээ дахин гаргах ажээ.
