Дэлхийн хамгийн нэр хүндтэй кино наадмуудын нэг болох Каннын кино наадмын нээлт, олон улсын кино төслийг танилцуулах үйл ажиллагаа болов. Энэ үеэр Монголын найман кино төслийг уран бүтээлч, найруулагч, продюсерууд танилцуулсан байна.
Тодруулбал,
-
Найруулагч Б.Бадралмаа “Давс үүрсэн 40 жил” баримтат кино,
-
Продюсер Г.Түвшинсайхан “Тарвас” УСК,
-
Найруулагч Б.Тамир “Жинжийгийн төрсөн өдөр” богино хэмжээний кино,
-
Продюсер Э.Тамир “Цасхан” анимейшн төсөл,
-
Продюсер З.Тэмүүжин “Шонхор” УСК,
-
Продюсер Г.Мандах “Шар хөвийн зэрэглээ” УСК,
-
Найруулагч Б.Санчир “Алс газар сурахаар одогсод” баримтат кино,
-
Продюсер Т.Алтантуяа “No Drug 2” олон ангит кино төсөл зэргийг танилцуулсан байна.
79 дэх удаагийн Каннын наадамд Монголын кино урлагийн зөвлөлөөс “Монгол кино төсөл” танилцуулах үйл ажиллагааг гурав дахь удаагаа зохион байгууллаа. Үйл ажиллагааны хүрээнд гаднын 40 гаруй кино бүтээгч, продюсер, хөрөнгө оруулагчид оролцжээ.
