Монгол Улсын хэмжээнд Мэргэжлийн болон техникийн боловсролын салбарт анх удаа зохион байгуулж байна.
Энтрепренер сэтгэлгээг хөгжүүлэх замаар практик шийдэл бүхий технологи, инновацад суурилсан гарааны бизнесийн санаачилгыг дэмжихэд чиглэсэн тус арга хэмжээнд нийт 11 Мэргэжлийн болон техникийн боловсролын сургалтын байгууллагын 26 багийн 100 гаруй оролцогч бүтээлээ ирүүлсэн байна.
Үүнээс II шатанд шалгарсан 16 баг бүтээлээ танилцуулж, шилдгүүдээ тодрууллаа.
Тухайлбал:
1-р байр: Ховд аймаг дахь Хөгжил политехник коллежийн Watermelon баг;
2-р байр: Ховд аймаг дахь Хөгжил политехник коллежийн Uuragbrend баг;
3-р байр: Архангай аймаг дахь политехник коллежийн Хангайн шим баг тус тус шалгарлаа.
“TVET START-UP 2026” уралдаанд оролцсоноор шинэлэг бизнес санаагаа хөрөнгө оруулагчид болон зах зээлд танилцуулж, санхүүжилт болон стратегийн түншлэлээр дамжуулан бизнесийн өсөлтийг хурдасгах, богино хугацаанд өөрийгөө илэрхийлэх, илтгэх урлагт суралцах боломж бүрдэж байна.
